Тараздық тұрғындарды орталық саябақтың 70 жылдығына шақырады (ВИДЕО)
Ағымдағы жылдың 11 тамызында Тұрар Рысқұлов атындағы Орталық мәдениет және демалыс саябағының 70 жылдығына орай, Жамбыл облысы мен Тараз қаласының тұрғындарын мерекелік шараға шақырады, — деп хабарлайды «ZhambylNews» Aқпарттық Aгенттігі.
Мерекелік іс-шарада келген қонақтарға көптеген тосынсыйлар, сондай-ақ жаңа аттракциондар ашылады деп күтілуде. Сонымен бірге, Жамбыл облысы Қазақстан халқы Ассамблеясының мәдениет үйі мен этномәдени бірлестіктері шығармашылық ұжымдарының қатысуымен концерт қойылады. Сол күні кешке 400 теңгеден лотерея билеттері ойнатылады. Сыйлық ретінде саябақ басқармасы тұрмыстық техниканы, мектеп тауарлары мен спорттық керек-жарақтарды жеңімпазға тарту етіледі деп күтілуде.
Саябақ 1948 жылы Ленин мәдениет және демалыс саябағы деген ресми мәртебесіне ие болды. Бірақ бұған дейін «Үлкен Ресей энциклопедиясында» ескі Жамбылдың (қазіргі Тараз) жасыл бұрышы «1905 жылы революцияға қарсы Әулиеатада ашылған әскери және азаматтық элитаның жазғы бағы» ретінде тіркелді.
Ал 1998 жылы саябаққа қазақтың мемлекеттік қайраткері Тұрар Рысқұловтың есімі берілді.
Айта кетейік, Тұрар Рысқұлов 1894 жылы Алматы облысының Белағаш ауылында дүниеге келген, 1907-1910 жылдары Әулие-ата уезінің (қазіргі Жамбыл облысы) Мерке орыс-қазақ мектеп-интернатында оқыған. Осы Меркеде ол Орталық Азия халықтарының ұлт-азаттық көтерілісіне қатысты. Жас Тұрар Рысқұлов «Бұхара» қоғамын (қазақ жастарының революциялық одағы) ұйымдастырды.
Тұрар Рысқұлов орталық азиялық республикалар мен Қазақстанның болашақ саяси және экономикалық тәуелсіздігінің алғашқы негізін қалаушылардың бірі болды. Ол 25 жасында жоғары мақсатқа ұмтылған, шындық пен әділдік үшін күрескен қайраткер болып қалыптасты. Тұрар Рысқұловтың бастамасымен Қазақстанда Түркістан-Сібір темір жолы салынды, қуатты индустриялық орталықтар пайда болды.
Сонымен қатар, Тұрар Рысқұловтың қолдауымен Қазақ педагогикалық институты (қазіргі Абай атындағы ҚазҰПУ), ветеринарлық институт, Ташкентте, Пішпекте пединституттар, Түркістан университеті (Ташкент, ОАМУ), Мәскеуде Шығыс еңбекшілерінің коммунистік университеті ашылды. Орталық Азия мен Ресейде өнеркәсіптің дамуы Тұрар Рысқұлов есімімен байланысты, ол 250-ден астам кітап, монографияның авторы.
