Тараз қаласы тұрғындарының назарына! 2018 жылдың 17 тамыз айында «Педагогикалық бос жұмыс орындары жәрмеңкесі» өтеді. Бұл туралы «ZhambylNews» Aқпараттық Aгенттігі хабарлайды.
Олардың арасында Жамбыл облысы мен Тараз қаласындағы мектепке дейінгі және орта білім беру ұйымдарының өкілдері болады.
Жыл сайын дәстүрге айналған жәрмеңке биыл педагогикалық, гуманитарлық, жаратылыстану ғылымдары және өнер саласында мамандар даярлаудың жекелеген бағыттары бойынша ұйымдастырылмақ.
Жәрмеңкеге арнайы келетін мекемелер мен ұйымдардың қызметкерлері келген қонақтарға қандай бос жұмыс орындары бар екенін, оған қалай орналасуға болатынын, үміткерлерге қандай талаптар қойылатынын түсіндіріп, жұмыс беруші әр мекеме өз жұмыстарымен, бос жұмыс орындарымен таныстырады.
– Жәрмеңке қатысушыларға өздерін қызықтыратын бос орындар туралы мәлімет алуға мүмкіндік тудырса, ал жұмыс берушілер үшін түлектердің іскерлік қасиеттерін бағалап, жас мамандарды тартуға қолайлы жағдай жасайды. Шара жастар арасындағы жұмыссыздық мәселесін шешетін маңызды механизм болып табылады, – дейді мамандар.
Жамбыл облыстық білім басқармасы және «Жұмыспен қамту жол картасы 2020» бағдарламасы негізінде бекітілген жоспарға сәйкес ұйымдастырылған бос жұмыс орны жәрмеңкелерінде түрлі ұйымдар тарапынан сұраныс, әсіресе, педагогикалық және жаратылыстану бағытында оқыған жас мамандарға көптеп түскен.
Ал, мұндай іс-шараның болатынынан хабардар болып, өзіне лайықты жұмысты іздеп келген мамандардың қатарында әсіресе, оқу бітірген жас мамандарды көптеп кездестіруге болады. Солардың бірі — Тараз мемлекеттік педагогикалық институтының түлегі Алена Грицинина. Ол жоғарғы оқу орнында сәнді киім және қолданбалы дизайнер мамандығы бойынша білім алған. Алайда, тұрақты еңбек көзін таппай жүргеніне біраз уақыт өткен ол бар үмітін жәрмеңкеде, — дейді.
Айта кетейік, Халықты жұмыспен қамтудың 2011 – 2020 жылдарға арналған бағдарламаның негізгі мақсаты – жұмыссыздар санын азайту, олардың тұрақты және нәтижелі жұмыс орындарына ие болуына жәрдемдесу арқылы халықтың табысын арттыру болып табылады. Еліміздің экономикасы дамыған сайын мемлекеттің әлеуметтік салада ұстанған саясаты да барған сайын тереңдеп, қанатын кеңге жайып келеді.
Өтетін орны: Тараз қаласы, «Салтанат» мөлтек ауданы, №30 мектеп гимназиясы, басталуы сағат 9.00-де.
