ҚР Денсаулық сақтау министрлігі «Халық денсаулығы және денсаулық сақтау жүйесі» Кодексіне өзгеріс енгізді,- деп хабарлайды «ZhambylNews» АА Baq.kz сайтына сілтем жасап.
Өзгерістер «Темекі мен алкогольді тұтынудың профилактикасы және оны шектеу» 159-баптың 5-тармағына енгізілді.
Кодексте көрсетілгендей, темекі өнімдерін мына жерлерде тұтынуға болмайды:
— білім беру ұйымдарында, сондай-ақ қоғамдық орындарда;
— денсаулық сақтау ұйымдарында;
— қоғамдық тамақтану орындарында;
— кинотеатр, театрда, циркте, концертте, көрме залдарында, спорттық аренада және өзге де бұқаралық демалысқа арналған жабық нысандарда, оның ішінде түнгі клуб пен би алаңдарында;
— музей, кітапхана және дәріс алаңдарында;
— белгісіз орындарда, пойыз және көл мен өзен көліктерінде;
— әуе кемесінің бортында, автобус салонында, жолаушыларды тасымалдайтын микроавтобус, троллейбус, такси және қалалық рельсті көлікте;
— әуежай ғимаратында, теміржол, автокөлік және су бекеттерінде;
— мемлекеттік орган мен ұйымдарда;
— жұмыс орны болып келетін бөлмелерде;
— үйдің кіре берісінде.
