Сарысу ауданында «Еңлік» балалар шағын орталығы ашылды, — деп хабарлайды «ZhambylNews» АА Сарысу ауданы әкімдігінің баспасөз қызметіне сілтеме жасап.
Шыңғыс Әбдірахмановтың мұрындық болуымен Бүрітті елді мекенінде ашылған «Еңлік» шағын орталығы 80 орынға шақталған. Елді мекен тұрғындары көптен күткен бұл балабақшада үлкен, орта, кіші топтарға арналған жеке бөлмелер, жуынатын бөлмелер, бүлдіршіндер тамақтанатын, денсаулықтарын тексеретін орындар бәрі заман талабына сай безендіріліп, жабдықталған.
Жалпы, Сарысу ауданындағы 11 балабақша мен 13 шағын орталықта 2255 бала тәрбиеленуде. Қазіргі таңда балабақшаға кезекке тұру мен жолдама беру толығымен электронды форматқа ауысқан. Бүгінде Жаңатас қаласы бойынша 500-ге жуық бала кезекте тұрса, оның 3-4 жас аралығындағысы 154 бала.
