Назарбаев Шымкентке, Түркістан және Жамбыл облыстарына барады
Мемлекет басшысы Нұрсұлтан Назарбаев алдағы уақытта қатысатын іс-шаралардың аңдатпасы жарияланды, — деп хабарлайды «ZhambylNews» Ақпараттық Агенттігі Tengrinews.kz -ке сілтеме жасап.
Биылғы 28 қыркүйекте Қазақстан Президенті Душанбе қаласында өтетін ТМД елдері басшылары кеңесінің кезекті отырысына қатысады.
Басқосуда тараптар Достастық мемлекеттері ықпалдастығының келешегіне қатысты ой-пікір алмасып, ұйым жұмысының тиімділігін одан әрі арттыру мәселесін қарастырады.
Мемлекет басшысының саммитте бірқатар екі жақты кездесулер өткізуі жоспарланып отыр.
Сонымен қатар, Нұрсұлтан Назарбаев жұмыс сапарымен Жамбыл және Түркістан облыстарына, Шымкент қаласына барады.
