Жамбыл облыстық білім басқармасы «Менің ұлағатты ұстазым» атты акция өткізуде

Қазан айының бірінші жексенбісінде қазақстандықтар ұстаздар күнін атап өтеді. Осы орайда облыстық білім басқармасы «Менің ұлағатты ұстазым» атты акциясының бастау алғанын хабарлайды. Бұл туралы «ZhambylNews» Ақпараттық Агенттігі хабарлайды.

Акцияға қатысу үшін өзіңіздің ұстазыңызға құттықтау тілек жазып немесе ұстазыңыз туралы бейнеролик түсіріп, #меніңсүйіктіұстазымжамбыл хэштегімен әлеуметтік желілерге (instagram, Facebook) жариялаңыздар. Сонымен қатар, міндетті түрде Жамбыл облысы әкімдігі білім басқармасының парақшасын @ZhambylBilim парақшасын беліглеу керек. Акция нәтижесінде ең көп лүпіл (лайк) жинаған қатысушы облыстық білім басқармасы тарапынан бағалы сыйлықпен марапатталатын болады. Акция 2018 жылдың 4 қазанына дейін жалғасады.

Жүрегі кең, мейірім шуағын шәкіртіне төге білген үлкен құрметке ие облыс ұстаздарын бірге құттықтайық!