Халықаралық бокс федерациясы (IBF) барлық салмақ дәрежесі өкілдерінің ай сайынғы рейтингінің жаңартылған нұсқасын жариялады, — деп хабарлайды «ZhambylNews» AA Sports.kz порталына сілтеме жасап.
Америкалық Дэниэл Джейкобс әлем чемпионы атанған орта салмақтағы бірінші орын бос тұр. Екінді орынды — эквадорлық-неміс боксшысы Джек Кулкай иеленсе, үшінші позицияға украиндық Сергей Деревянченко көтерілген.
Бұрынғы әлем чемпионы қазақстандық Геннадий Головкин өткен айда 11-орында тұрған еді. Бұл жолы 10-шы орынға жоғарылады.
Еске салайық, IBF осы көктемде GGG-ден Деревянченкомен міндетті айқасты өткізуден бас тартқаны үшін чемпиондық белбеуін алып қойды.
Титул бос деп жарияланып, ол үшін Деревянченко мен Джейкобс айқасты. Бұл жекпе-жекте АҚШ өкілі жеңіске жеткен болатын.
