Синоптиктер 26-28 қаңтарға арналған ауа райы болжамын жариялады, — деп хабарлайды «ZhambylNews» АА Қазгидрометке сілтеме жасап.
»Алдағы демалыс күндері Қазақстандағы ауа райын көбінесе антициклондар анықтайтын болады. Сол себепті республиканың басым аймағында түнде 30…38 градусқа дейін аяз күтіледі, ал күндіз 18…27, кей жерлерде 30 градус аяздан жоғары болмайды», — делінген хабарламада.
Орталық Азия арқылы циклон жылжитын болады. Қазақстанның солтүстік жартысында суық және күшті антициклон және Орталық Азиядағы жылы циклон республиканың оңтүстік және оңтүстік-шығысының тау асуларында жаяу бұрқасын мен шығыс желінің күшеюіне себеп болады.
