Оқырмандар Tengrinews.kz порталындағы ҚР Қаржы министрлігінің Мемлекеттік кірістер комитетінің төрағасы Марат Сұлтанғазиевпен өткен интернет-конференцияда жеке тұлғалар үшін жер, мүлік және көлік салығын бір уақытта төлеу мүмкіндігі бар-жоғын сұрады.
Ведомство басшысы Марат Сұлтанғазиев жер және мүлік салығы бойынша төлем мерзімі бір — есепті кезеңнен кейінгі жылдың 1 қазанына дейін кешіктірмей төлеу керектігін еске салды. Ал көлік құралдары салығы бойынша төлеу мерзімі — 31 желтоқсанына дейін.
«Яғни төлеу мерзімін біріктіру көлік құралдарына салынатын салық түсімдерін бір жылға ауыстыруға тура келеді. Сонымен қатар, осы салықтар мен көлік құралдарына салынатын салық бойынша төлеу мерзімін біріктіру мәселесін Ұлттық экономика министрлігі салық саясатын анықтайтын орган ретінде қарастырып жатыр», — деді Мемлекеттік кірістер комитетінің төрағасы.
Дереккөз: tengrinews.kz
