«Жамбыл — адалдық алаңы» жобасы аясында облыста жолаушылар көліктері тексерілді
Облыстық жергілікті полиция қызметі, Мемлекеттік кірістер басқармасы, медицина өкілдері және жолаушылар көлігі және автомобиль жолдары басқармасының мамандары бірігіп Байзақ ауданы Ақшолақ ауылының бойында «Алматы-Ташкент-Термез» автожолында жолаушы тасымалдаушыларға рейдтік-профилактика өткізді. Бұл туралы «ZhambylNews» Ақпараттық Агенттігі хабарлайды.
Сонымен қатар, іс-шараның жүргізілуін ҚР мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаменті, «Жамбыл-адалдық алаңы» жобасының қызметкерлері және БАҚ өкілдері бақылап кайтты.
Жолаушылар қауіпсіздігін қамтамасыз мақсатында өткен іс-шарада облысаралық бағыттардағы 60-тан астам автобус пен шағын автобустардың құжаттары тексеріліп, анықталған заңсыздықтар бойынша 8 хаттама толтырылып, 2 автобус айып тұрағына қойылып, 30-дан астам жолаушы тасымалдауымен айналысатын тұлғаларға түсіндірме жұмыстары жүргізілді.
Алдағы уақытта да жоба қызметкерлері жолаушылар көлігі және автомобиль жолдары басқармасымен бірге рейдтік іс-шараларға шығады.
