Мойынқұм аудандық ішкі істер бөлімінің ардагері, жеке кәсіпкер Жағалбай Шубаев Мойынқұм ауылында тұратын азаматтың мектеп жасындағы 3 баласына ноутбук сыйлады, деп жазады “ZhambylNews” ақпарат агенттігі.
Қайырымдылық – мұқтаж жандарға көрсетілер нақты көмек, ізгіліктің анық көрінісі, адамның асыл қасиеті. Кісінің айналасындағы адамдарға танылатын қадір қасиеті де қаншалықты қайырымды екендігінен байқалады.
Қазіргідей сын сағатта сауапты істің қасынан табылып, көмек көрсетіп жатқан жомарт жанға алғысымызды білдіріп, осындай қолдаулар әлі де жалғасын тапса деген ниеттеміз.
