Күні бойы «ADAL» партиясының үміткерлері Ақтөбе қаласының тұрғындарымен кездесіп, азаматтардың өзекті мәселелерін тыңдады, — деп жазады “ZhambylNews” ақпарат агенттігі.
Кездесулердің бірі «Молочные истории» ЖШС-да өтті, онда қызметкерлер өнімдердің жоғары бағасына және әр түрлі саладағы қызметкерлердің зейнетақыға шығу жасы әділетсіз белгіленгеніне шағымданды.
Өндіріс қызметкері азық-түлік бағасының қымбаттығын алға тартты:
«Бағаны бақылауды қамтамасыз ету керек. Жалақы өспейді, ал бағалар қымбаттау үстінде. Мұндай бағамен отбасын керек-жарағымен қамтамасыз ету қиын», — деді ол.
Тағы бір қызметкер зейнетке шығу жасының әділетсіз бөлінгеніне шағымданды: «63 жаста зейнетке шығу дұрыс емес. Әйелдерге өз қалауы бойынша 58 — де немесе 63 — те зейнетке шығуды таңдау керек деп санаймын. Жалпы, кеңседегі қызметкер неге 63 жасында зейнетке шығады, өндірісте, шахтада ауыр жұмыс істеген адам да 63 — те шығады. Бұл әділ емес! Денсаулыққа зиян келтіретін жағдайларда жұмыс істейтіндерге ертерек зейнетке шығу керек», — деді тұрғын.
