Бұл туралы облыстық ауыл шаруашылығы басқармасының басшысы Қайрат Көшенов хабарлады.
Өңірдегі жалпы ауыл шаруашылығы өнімінің 40 пайыздан астамы мал шаруашылығының үлесіне тиесілі.
2025 жылдың 7 айының қорытындысы бойынша өңірде мүйізді ірі қара мал саны – 476 мың басты, қой – 3 303,8 мың басты, жылқы– 195,5 мың басты, түйе – 8,6 мың басты, құс – 1 944,6 мың басты құрады.
Осы кезеңде тірідей салмақта 64,8 мың тонна ет өндірілді.
Жыл басынан бері 1 615,2 тонна ет және 340 тона шұжық өнімдері экспортталды. Оның ішінде сиыр еті – 661,2 тонна, қой еті – 953,7 тонна, жылқы еті — 0,2 тонна, құс еті – 1302,2 тонна.
Өнімдер Қырғызстан, Қатар, Кувейт, БАӘ, Ресей, Сауд Арабиясы, Иран және Германия елдерінің нарығына жөнелтілді.
Өңірде мал шаруашылығын дамытуға тұрақты түрде көңіл бөлінуде. Сыйымдылығы 1 000 бастан жоғары 9 мал бордақылау алаңы жұмыс істейді.
Қуаттылығы тәулігіне 300 бас ұсақ малды және 50 бас ірі қара малды сойып, өңдейтін 2 ет өңдеу кәсіпорыны бар.
2025 жылдың 7 айында 130,8 мың тонна сүт өндірілді.
«Агроөнеркәсіптік кешендегі жобаларға жеңілдетілген несие беру» бағдарламасын іске асыруға республикалық бюджеттен 8 млрд теңге, жергілікті бюджеттен 500 млн теңге бөлінді. Бұл қаражат есебінен 15 инвестициялық жоба қаржыландырылды. Оның ішінде 4 жоба – сүт тауарлы фермасын салуға бағытталған.
Облыста құс еті өндірісі де қарқынды дамуда. «Әулие-ата Феникс» ЖШС құс фабрикасының қуаттылығы 10 мың тоннаға жеткізілді.
«Алель Агро» ЖШС-ның жылдық қуаттылығы 20 мың тонна болатын құс фабрикасы іске қосылып, қазіргі таңда 10 мың тоннаға дейін құс еті өндіруде.
Жыл соңына дейін аталған фабрикаларда құс еті өндірісі 26 мың тоннаға жетіп, өткен жылмен салыстырғанда 25 пайызға артады деп күтілуде.
