Мемлекет қайраткері Әзімхан Сатыбалдиннің құттықтауы:
Құрметті жерлестер, Жамбыл облысының жылдығы бұл үлкен тоймен баршаңызды шын жүректен құттықтағым келіп отыр. Біздің облысымыз киелі де қасиетті жер! Бұл облыс Жамбыл атамыздың аты берілген жер! Шынын айту керек, біз мақтанатындай Жамбыл атамыздың атында облыс бар. Әулиеата ол Тұрар Рысқұловтың жері, Әулиеата деген Шерағаның жері, Әулиеата дегеніміз ол Бауыржан атамыздың жері. Міне осындай аты әлемге танымал азаматтар шыққан жер. Киелі де қасиетті жер. Сондықтан да осы жерімізді қадірлей білейік, осы жеріміздің құндылығын осындай азаматтар шыққан жер деп мақтанатындай болып жүре берейік. Облысымыз алға үлкен қадамдармен жүре берсін.
