Жамбыл облысында онлайн оқыту үшін аз қамтылған отбасылардың балаларына 11,7 мың компьютер берілді
Жамбыл облысында онлайн оқыту үшін аз қамтылған отбасылардың балаларына 11,7 мың компьютер берілді , деп хабарлайды «ZhambylNews” ақпараттық агенттігі.
Коронавирустық инфекцияның таралуына байланысты шектеулерге қатысты 6 сәуірден бастап еліміздегі оқушылары қашықтан оқыту режиміне көшеді. Бұл туралы облыстық білім басқармасы хабарлады.
⠀
Бүгінгі таңда аймақтағы 442 мектепте 230 мыңға жуық бала білім алуда. Оның ішінде 84 пайызы оқушылардың қашықтан оқыту түріне өтуге мүмкіндігі бар. Олардың қолда бар гаджеттерді үйде пайдалану жағдайы қарастырылған.
⠀
Бұл орайда қалған 16 пайыз яғни 37,2 мың оқушы үшін қашықтықтан оқыту мүмкіндігін қамтамасыз ету жайы маңызды болып отыр. Олардың басым бөлігі аз қамтылған азаматтар санатына жатады. Аталған мәселені шешу үшін мектеп балансындағы компьютерлер 11 712 оқушыға уақытша бөлінуде. Жергілікті бюджет есебінен тағы 2 мың компьютер сатып алынған.
