Тұрар Рысқұлов ауданында төтенше жағдай режимін қамтамасыз ету жөніндегі жедел штабы халық көп шоғырланатын «Халық банк» және «Қазпошта»ғимараты, «КМФ»банк алдында сақтық шараларын күшейтті , деп хабарлайды «ZhambylNews” ақпараттық агенттігі.
Жұртшылықпен ақпараттық-түсіндіру жұмысы жүргізіліп, тұрғындардың жүріп-тұруда, кезек күтуде ара қашықтық сақтау мен санитарлық-гигиеналық талапты қатаң сақтау қажеттігі ескертілді.
Күнделікті дезинфекциялау шаралары қатаң бақылауға алынған.
Ерікті жастардың көмегімен әр азаматқа Жадынама таратылды. Қоғамдық орындарда жүріп-тұру,кезек сақтау этикеті туралы Жадынамада барлық қауіпсіздік шарасы туралы жазылған.
Аудан азаматтарына берілетін әлеуметтік көмектер мен жеңілдіктер туралы ақпараттар таратылып,мамандар кеңесі ұсынылуда. Бұл жұмыс алдағы уақытта өз жалғасын табатын болады.
