Жамбыл облысында көгілдір отынды елді мекендерге жеткізу күрделі проблемаға айналды, деп хабарлайды «ZhambylNews” ақпарат агенттігі Atameken Business -ке сілтеме жасап.
Тіпті маңынан газ магистралі өтіп жатқан ауылға газ беру бірнеше жылдан бергі маңызды мәселе болып тұр. Талас ауданы Майтөбелік ағайынның айтар шағымы осы. Таяқ тастам жерден жылдар бойы өтіп жатқан газға қосыла алмай отыр. Әрі көмір жағып күн көрген жұрт, тонналап қатты отынды сатып алуға мәжбүр. Мәселен қыста орта есеппен 6-10 тонна жағатын халық, 150 мыңға жуық қаржыны төлейді. Жұмысы жоқ ауылдықтар үшін бұл кәдімгідей қалтаға салмақ дейді.
