ҚР бойынша «Үздік балалар ауруханасы» номинациясын Жамбыл облыстық көпбейінді балалар ауруханасы жеңіп алды.
«Елдің үздік аудандық ауруханасы» номинациясында — Меркі аудандық орталық ауруханасы 176 аудандық ауруханалардың арасынан құрметті 2 орынға ие болды; «Елдің үздік жедел жәрдемі» номинациясында біздің облыстық жедел жәрдем стансасы үздік үштікке кірді, «Елдің үздік босандыру ұйымы» номинациясында Облыстық көпбейінді аурухананың босандыру қызметі бойынша 2 орынға ие болды. Бұл жетістік өңірдің денсаулық сақтау саласында жүргізіліп жатқан үлкен жұмыстың нәтижесі.
Ең бастысы — жеткен белестерде тоқтап қалмау, себебі адамдардың денсаулығы — бұл медицина саласының ең жоғарғы бағасы.
