География пәніне «Қазақстан» сөзін қосуға не кедергі? – Хаменова
Бүгін орта білім берудің өзекті мәселелері талқыланған Мәжілістің дөңгелек үстелінде депутат Бақыткүл Хаменова Білім және ғылым вице-министрі Асхат Аймағамбетовтан мектеп бағдарламасында жоқ болып шыққан Қазақстан географиясы пәні туралы сұрады.
«100-ге жуық қол қойып, депутаттар болып сіздерге сауал жолдадық. 1993 жылдан бері «Қазақстан географиясы» деген атаумен 7 және 8-сыныптарда оқытылып келген екі пән 2017 жылы типтік оқу жоспарында болмай шығады. (…) Жаңа оқу саласы, реформа, барлығына толығымен қосыламын. 7 және 8-сыныптың типтік оқу жоспары шығып кетті, 9-сыныптың типтік жоспары әлі шыққан жоқ. Мазмұны, мағынасы керемет дүниенің басына «Қазақстан географиясы» деп жазуға нені қимай отырсыздар? «Қазақстан» деген сөздің құны соншалықты түсіп кеткені ме? Типтік жоспар әлі шыққан жоқ, біз оны біліп отырмыз. Жаңа типтік оқу жоспары бар, енді «Неге атауын қимай отырсыздар?» деген басты сұрағым бар», — деп сұрады депутат Бақыткүл Хаменова.
Дереккөз: Baq.kz
