Павлодар облысының әкімі өңірлер мен Астана және Алматы қалалары әкімдерінің дала жиындарына қатысып, Макаров тапаншасынан оқ атудан бірінші орынды иеленді, — деп хабарлайды «Zhambylnews» АА Tengrinews.kz сайтына сілтеме жасап.
Әкімдердің жиыны Жамбыл облысының «Отар» әскери базасында өтті. ҚР Қорғаныс министрлігі сайтының хабарлауынша, 40-шы оқу полигонында аймақтардан келген және Астана, Алматы қалаларының басшылары атқыш қаруы мен әскери машиналардан оқ атқан. Нәтижесінде Павлодар облысының әкіміне Макаров тапаншасынан оқ ату бойынша бірінші орын алғаны үшін грамота мен «Мерген» мүсіншесі сыйға тартылды.
