Өртке қарсы қызмет органына қызметке жаңадан қабылданған қызметкерлер салтанатты түрде Отан алдында ант қабылдады, — деп хабарлайды «Zhambylnews» AA.
Іс – шара Отан қорғаушылар күніне және Ұлы Жеңіс күні мерекесіне арналды.
Сондай-ақ, азаматтық қорғау полковнигі Ермек Момбаевтың айтуынша, өрт сөндіру мамандығының күрделі мамандық, мұнда қызметке орналасқан әрбір жан қайсар мінезді әрі қиындыққа төзімді болып шыңдалуы тиіс.
«Өрт сөндіру қызметінің заман көшінен қалмай, үнемі даму үстінде келе жатыр, соңғы жылдары өрт сөндіру саласының заманауи өрт сөндіру-құтқару құралдармен және техникалармен анағұрлым жабдықталған, жеке құрамға да жұмыс істеуіне барлық жағдай жасалған, бүгінгі ант қабылдаған жас жауынгерлердің еңбектеріне табыс тілеймін, — деді Ардагерлер кеңесінің төрағасы Бейбіт Бейсенбаев.
