Облыста 20 тарихи-мәдени нысандарға QR стендтер орнатылған
Бүгін «Қарахан» діни-мемориалдық кешенінде QR стендтерді құрастырушы Алматылық ALTERNATIVE VISION SOFTWARE компаниясының өкілдері QR стендтің қалай жұмыс істейтіні жайлы таныстырып өтті, — деп хабарлайды «ZhambylNews» Ақпараттық Агенттігі.
«Ежелгі Тараз ескерткіштері» тарихи-мәдени қорық — музейі Жамбыл облысы әкімдігінің Туризм басқармасының «Тараз-туризм» туристік информациялық орталығымен бірлесе отырып TARAZ TOUR жобасын жүзеге асыру аясында Жамбыл облысында орналасқан 20 тарихи-мәдени нысандарға QR стендтер орнатқан болатын.
Осы орайда, ұялы телефондарыңыздың көмегімен Play Market немесе App Store қосымшасына кіріп TARAZ TOUR жүктемесін жүктеп алсаңыз болды.
Сондай-ақ, жүктеменің көмегімен тарихи-мәдени ескерткіштер жайлы қазақша, орысша, түрікше, қытайша және ағылшынша толыққанды мәлімет ала аласыздар.
