Сарысу ауданында төмендетілген бағадағы ауыл шаруашылығы жәрмеңкесі жалғасуда

Сарысу ауданы әкімінің тапсырмасымен Жаңатас қаласының Жібек жолы көшесінің бойында төмендетілген бағада азық-түліктер жәрмеңкесі ұйымдастырылды, деп хабарлайды “ZhambylNews” ақпарат агенттігі.

Жәрмеңкеге жалпы алғанда ауданның 29 жеке кәсіпкері қатысты. Жаңатас қаласынан 14 жеке кәсіпкер, ауылдық округтер бойынша, Байқадам ауылдық округінен 4 жеке кәсіпкер, Жаңарық ауылдық округінен 2 жеке кәсіпкер, Түркістан ауылдық округінен 4 жеке кәсіпкер және Жаңаталап ауылдық округінен 2 жеке кәсіпкерлер өз өнімдерін жәрмеңкеде ұсынды.

Бұған қоса, Жамбыл облысы Жуалы ауданынан 3 жеке кәсіпкер сүзбемайлық өнімдерін жәрмеңкеде төмендетілген бағада сатылымға шығарды.

Көкөніс, жеміс-жидек, азық-түлік және ет өнімдерінің жалпы бағалары базардағы бөлшек сауда нүктелерінен 15-20 пайызға төмен деңгейде сатылды. Оның ішінде әлеуметтік маңызы бар азық түлік өнімі айран -170тг, пастерленген сүт майлылығы — 200 тг, сүзбемайлығы — 1500 тг, сарымай 2300-2500тг, тауық жұмыртқасы — 230-300тг/10шт, тауықеті-850 тг, қырыққабат 70-90 тг, пияз-60-70 тг, сәбіз 90-110, картоп 90-130 тг, сиыр еті-1700 тг сатылды.

Жалпы жәрмеңкеде жасалған сауда айналымы 4,7 млн теңгені құрады. Санитариялық талаптар толық сақталып, сатушылардың міндетті түрде бетпердесі және қолқаптары болды. Жәрмеңкеде қоғамдық тәртіпті сақтау, қадағалау мақсатында полиция бөлімінің екі учаскелік полицейлері және жол патрульдік полицейлері жәрмеңкеге қатысып, кептеліс болдырмау үшін жол көлік қозғалыстарын бақылауға алды.