Еркебұлан Дауылбаев Индустрия және инфрақұрылымдық даму вице-министрі қызметіне тағайындалды

0 132

​​ҚР Үкіметінің Қаулысымен Еркебұлан Әбілханұлы Дауылбаев Қазақстан Республикасының индустрия және инфрақұрылымдық даму вице-министрі қызметіне тағайындалды, — деп хабарлайды «ZhambylNews» АА.

Бұл туралы ҚР Премьер-Министрінің баспасөз қызметі мәлім етті.

Еркебұлан Дауылбаев 1978 жылы Оңтүстік Қазақстан облысында дүниеге келген.

М. Әуезов атындағы Оңтүстік Қазақстан мемлекеттік университетін, Ресей кеден академиясын бітірген. Еңбек жолын 1999 жылы ҚР Қаржы министрлігі Кедендік бақылау комитетінің ОҚО бойынша кедендік бақылау департаментінің инспекторы лауазымынан бастады.

2010-2011 жылдары — ОҚО Мемлекеттік сәулет-құрылыс бақылау басқармасының бөлім басшысының міндетін атқарушы, лицензиялау бөлімінің басшысы.

2011-2012 жылдары — ОҚО Құрылыс басқармасы басшысының орынбасары. 2012-2014 жылдары — ОҚО бойынша Кедендік бақылау департаментінің Контрабандаға қарсы күрес басқармасының басшысы.

2013-2014 жылдары — ОҚО Құрылыс басқармасының басшысы. Әр жылдары жеке компанияларда жұмыс істеді.

2016-2017 жылдары – «Нұр Отан» партиясы Оңтүстік Қазақстан облыстық филиалы төрағасының орынбасары.

2017-2018 жылдары — ҚР АШМ Жер ресурстарын басқару комитеті төрағасының орынбасары. 2018 жылы Жамбыл облысы әкімінің кеңесшісі болды. 2018-2020 жылдары — Жамбыл облысы әкімінің орынбасары.

2020-2021 жылдары — ҚР ИИДМ Құрылыс және ТКШ істері комитеті төрағасының орынбасары.

2021 жылғы тамыздан бастап қазіргі уақытқа дейін ҚР Президенті Әкімшілігінің мемлекеттік инспекторы болды.

Leave A Reply

Your email address will not be published.