Биыл колледждерге рекордтық мөлшерде грант бөлінеді. Бұл туралы министр Асхат Аймағамбетов айтты , — деп хабарлайды «ZhambylNews» АА.
«Биыл колледждер үшін гранттар саны рекордтық көрсеткіш, яғни 31 000 грантқа дейін өседі. Негізгі гранттар техникалық білімге беріледі. Сондай-ақ емтихандар алынып тасталып, халықтың әлеуметтік осал санаттары үшін арнайы квота енгізілді. Гранттар әр колледжге берілмейді. Яғни, белгілі бір студент грант ұтып алады және ол белгілі бір колледжді таңдайды. Қаржы олар таңдаған колледжге түседі», — деді Білім министрі.
