Президент Қасым-Жомарт Тоқаев алдымен «Хазірет Сұлтан» мешітіне барып, қуғын-сүргін және ашаршылық құрбандарының рухына арнап құран оқытты. Одан кейін, Мемлекет басшысы «Саяси қуғын-сүргін және ашаршылық құрбандарының» рухына тағзым етіп, ескерткішке гүл шоғын қойды.
Рәсім елордадағы «1932-1933 жылдардағы ашаршылық құрбандарына тағзым» монументінде өтті.
Президент ескерткішке гүл шоғын қойып, саяси қуғын-сүргін және ашаршылық кезінде құрбан болғандардың рухына тағзым етті. Осы іс-шараға нәубет жылдары зардап шеккен отандастарымыздың жақындары мен туыстары да қатысты.
