Қарағандылық отбасы үш жасар Айкүміс Сәрсенге миллиард теңге жинады. Бұл ақшаға қыз әлемдегі ең қымбат екпе Zolgensmaны алады.
Айкүміс Сәрсен Қарағанды облысында омыртқа бұлшықетінің атрофиясына шалдыққан жалғыз бала.
2021 жылдың 24 мамырында қыздың отбасы қайырымдылық акциясын ашты. Айкүмістің ата-анасы облыс орталығында үнемі акциялар, жәрмеңкелер, қайырымдылық концерттерін өткізіп тұрған. Жинақтауға Қарағанды мен Қазақстанның басқа қалаларының кәсіпкерлері көмек көрсеткен.
17 тамызда қажетті соманың өндірілгені белгілі болып, қыз ата-анасымен бірге Дубайға Zolgensma екпесін алуға кеткен.
«Қымбаттыларым, 17 тамызда Алланың қалауымен Айкүміске арналған жинақ жабылды. Алла Тағала бізге әлемдегі ең керемет және жомарт, мейірімді адамдарды жіберді. Айкүмістің өмірі үшін күрескен баршаға, инвестиция салған баршаға шын жүректен алғыс айтамыз. Тек амандық тілейміз», — деді қыздың анасы.
