2025 жылға қарай шағын және орта бизнестің жалпы ішкі өнімдегі үлесін 35 пайызға дейін жетеді. Бұл туралы Үкімет отырысында Премьер-Министр Әлихан Смайылов айтты, деп хабарлайды ҚазАқпарат.
«Кәсіпкерлердің мүмкіндіктерін кеңейтіп, жұмыспен қамтуды арттырып, бизнес субъектілеріне тең жағдай жасағымыз келеді. Ұлттық жобаны іске асыру 2025 жылға қарай шағын және орта бизнестің жалпы ішкі өнімдегі үлесін 35 пайызға дейін ұлғайтуға, 1 млн-ға жуық жұмыс орнын құруға және мемлекеттің экономикадағы үлесін 14 пайызға дейін азайтуға мүмкіндік беруі тиіс», — деді Ә. Сайылов.
Осы орайда Үкімет басшысы Ұлттық экономика министрлігі «Атамекен» палатасымен және орталық мемлекеттік органдармен, облыс әкімдіктерімен бірлесіп, ұлттық жобаның көрсеткіштеріне сапалы және уақтылы қол жеткізуді қамтамасыз етуді тапсырды.
