Қаланың бірқатар шағын аудандарында жарық сөніп, апатты жағдай тіркелді. Энергетиктер түстен бері электрмен жабдықтау жүйесін қалпына келтіру жұмыстарын жүргізіп жатыр.
«Оңтүстік Жарық Транзит» компаниясының мәліметінше, ауа температурасының күрт жоғарылауына байланысты электр энергиясына сұраныс артқан. Бұл өз кезегінде желілердің шамадан тыс жүктелуіне және жарық беру жүйесінің істен шығуына әкелген.
Қазіргі уақытта жарықсыз отырған аумақтар қатарына Восток шағын ауданы, 112-ші квартал, сондай-ақ Хамза, Гагарин, Алпысбаев, Сеченов, Исмаилов, Адырбеков және Абай көшелері кіреді.
— «Оңтүстік Жарық Транзит» ЖШС апаттық бригадасы толығымен жұмылдырылып, апат салдарын жою және электрмен жабдықтау жүйесін қалпына келтіру жұмыстарын атқарып жатыр. Жарықтың қайтадан өшпеуі үшін тиісті алдын алу жұмыстары жүргізіледі. Түсіністік танытқандарыңыз үшін алғыс білдіреміз, — деп хабарлады компанияның баспасөз қызметі.
Фото: «Оңтүстік Жарық Транзит» ЖШС
Апаттық-қалпына келтіру жұмыстары жүріп жатқан уақытта компания 24 шілде күні сағат 10:00-ден 18:00-ге дейін жоспарлы электр өшірулер болатынын ескертті. Олар қаланың төрт ауданында жүзеге асады:
Тұран ауданы
Қазығұрт шағын ауданы: Ақжар-1 (27–35 үйлер), Баянауыл (1–90), Қызылқұм (1–85), Төлебаев (1–90), Ғабдуллин (1–90), Бақытты (1–70), С. Мұқанов (18–82).
Абай ауданы
Қайнарбұлақ тұрғын алабы: Вишневая, Виктория, Зеленая, Грушевая, Садовая, Абрикосовая, Орталық, Медиктер, Мичурин, Фабричная, Фруктовая, Клубничная, Энергетиктер, Металлистер, Ореховая, Дачная, Достық, Южная, Степная, Полевая, Строительная көшелері.
Жаңаталап шағын ауданы: Қасқабұлақ, Нұрсая, Абылайхан, Есбол қажы, Оспанов, Манлай ата, Жангелді батыр көшелері.
Қаратау ауданы
Таскен шағын ауданы — Пармен көшесі
Бозарық шағын ауданы — Бәйдібек би көшесі
Әл-Фараби ауданы
Қабанбай батыр көшесі (11, 11а, 11б, 13, 13а),
Володорский көшесі (2, 2а, 2б, 2в),
Текстильная,
Рашидов көшесі (25, 27),
Артельная (3, 3а, 3в, 12),
Әбдіразақов көшелері.
Синоптиктер ескерту жасап, Шымкент пен Түркістан облысында аптап ыстық сақталатынын айтты.
— 24 шілде күні Шымкент пен Түркістанда күндіз 40-42 градус қатты ыстық күтіледі. Облыстың таулы асуларында солтүстік-шығыстан соғатын желдің жылдамдығы 20 м/с-қа дейін жетеді. Өрт қаупі жоғары деңгейде сақталады, — деді «Қазгидромет» мекемесінің баспасөз хатшысы Аружан Мұратова.
