Шымкент-Ташкент бағытындағы автобустардың билеттері 800 теңгеге арзандады, деп хабарлайды ҚазАқпарат қала әкімдігінің баспасөз қызметіне сілтеме жасап.
Егер бұрын ол 3200 теңге тұрған болса, енді оны 2400 теңгеге алуға болады. 7 жасқа дейінгі балалар үшін жол жүру тегін. Өзбекстан астанасына автобус күніне екі рет қатынайды: таңертең және кешке. Кедендік процедураларды қоса алғанда жолдың ұзақтығы 3,5 сағат. Айта кетейік, 5 қаңтардан бастап, екі ел арасында автобус қатынасы жолға қойылды.
Дереккөз: inform.kz
