Коронавирустың жаңа түрі пандемияға айналды: індет қазірдің өзінде 5 мыңнан астам адамның өмірін жалмаған. Вирустан сақтану шараларын жазған болатынбыз. Сақтану шараларының біріне қолды жиі сабындап жуу және антисептик қолдану жатады. Антисептикті үйден қалай дайындауға болатынын ұсынамыз.
Қажетті ингредиенттер:
— 800 мл этил спирті;
— 40 мл сутек тотығы (перекись водорода);
— 15 мл глицерин.
Бұл компоненттерді араластырып, аздап таза немесе қайнаған су құю керек. Нәтижесінде шамамен 1 л антисептик шығады. Оны ыдыстарға бөліп құйып қоюға болады. Мұндай антисептикті қол жууға мүмкіндік жоқ кезде жиі қолдану керек. Ал мүмкіндік болса, қолды аз дегенде 20 секунд бойы сабындап жуу ұсынылады.
