Премьер-Министр Әлихан Смайылов балалардың жазғы демалысы кезінде ауыл балаларына дұрыс көңіл бөлінбейді, деп хабарлайды ҚазАқпарат.
«Өңірлерде балалардың жазғы демалысы мен бос уақыттарын тиімді өткізу ісі көп жағдайда формалды түрде жүргезіледі. Әсерлі, мағыналы іс-шаралар аз. Көбіне сапасы сын көтермейді», — деді деді Үкімет басшысы.
Сондай-ақ, ол әкімдіктер бұл бағыттағы жұмысы сылбыр екенін айтты.
«Ауыл балаларына да қажетті деңгейде көңіл бөлінбейді. Бұл орайда, әкімдіктер тарапынан тиісті жұмыс көлемі жеткіліксіз екенін атап өту керек.
Жалпы балалардың жазғы демалысын ұйымдастыру кезінде көптеген маңызды мәселелерді ескеру қажет.
Әсіресе, балаларға арналған бұқаралық іс-шаралар, соның ішінде қорытынды емтихандар бекітілген кестеге сәйкес сапалы өтуі тиіс», — деді ол.
