Отбасылық фотоны белгілі спортшы Данияр Елеусіновтің өзі желідегі парақшасына жариялаған. Онда Даниярдың жұбайы қара түсті никаб киіп алған. Бет-жүзі түгел тұмшаланған спортшының әйелінің суретін желі қолданушылары қызу талқылап жатыр.
Олар «Не деген сұмдық, қазағымда бұндай болған емес», «Дін десе арабтарға еліктейміз, соларша өмір сүреміз, ислам тек арабқа түскен жоқ», «Жетпегені осы еді, масқара» деп жазса, енді бірі «Осылай жабық киіну керек», «Данияр ешкімді тыңдама» деп пікір білдіруде. Оқырмандардың пікіріне Даниярдың Елеусіновтың өзі жауап берді. «Ей халайық, менде не шаруаларың бар. Өз өмірлерің керемет болса бұнда жазбас едіңіздер» деп жазған. Сондай-ақ ол әйелінің никаб тақпайтынын айтқан.
