Жамбылда жаңа челлендж бастау алды. Бұл туралы Өңірлік коммуникациялар қызметінде өткен брифинг барысында ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаментінің алдын алу және парасаттылық басқармасының басшысы Д.Омаров айтты, — деп хабарлайды «ZhambylNews» АА аталған ведомстваның баспасөз қызметіне сілтеме жасап.
ҚР Сыбайлас жемқорлыққа қарсы іс-қимыл агенттігі Жамбыл облысы бойынша департаменті #параберме хештегімен жаңа челленджді бастады. Барлық сала қызметкерлері мен өңір тұрғындарын және студент жастарды да, осы бастаманы қолдауға шақырамыз. Жемқорлықпен күресу – ортақ міндет болса, онда қоғам көзқарасын өзгертуге бағытталған шараға сіз де атсалысыңыз!
