Жамбыл облысы әкімдігінің жұмылдыру дайындығы, аумақтық және азаматтық қорғаныс басқармасы мен мамандандырылған база қызметкерлерінің қатысуымен кезекті аппараттық жиын өткізілді. Жиынның негізгі мақсаты – өңірдегі жұмылдыру дайындығы, азаматтық қорғау, төтенше жағдайлардың алдын алу, материалдық-техникалық қамтамасыз ету және стратегиялық маңызы бар міндеттердің орындалу барысын талқылау болды.
Іс-шара барысында басқарманың құрылымдық бөлімшелері мен мамандандырылған база өкілдерінің атқарған жұмыстары сараланып, алдағы кезеңге арналған негізгі міндеттер айқындалды. Күн тәртібіне енгізілген мәселелер аясында жұмылдыру әзірлігінің жай-күйі, азаматтық қорғаныс саласындағы ұйымдастыру жұмыстары, төтенше жағдайлардың алдын алу шаралары, арнайы техникалар мен құралдардың дайындығы, сондай-ақ материалдық қорлардың сақталуы мен тиімді пайдаланылуы жан-жақты қарастырылды.
Жиын барысында жауапты сала мамандары өз бағыттары бойынша есеп беріп, атқарылған жұмыстар мен туындаған мәселелер жөнінде баяндама жасады. Сонымен қатар, өңірдегі қауіпсіздік пен тұрақтылықты қамтамасыз ету мақсатында ведомствоаралық өзара іс-қимылды күшейту, төтенше жағдайлар кезінде жедел әрекет ету тетіктерін жетілдіру және материалдық-техникалық базаны нығайту мәселелері кеңінен талқыланды.
Аппараттық жиында қызметтік тәртіпті сақтау, тапсырмалардың уақытылы әрі сапалы орындалуын қамтамасыз ету, құжат айналымын жүйелеу және мемлекеттік қызмет қағидаттарын сақтау бағыттарына да ерекше назар аударылды. Басқарма басшылығы тарапынан қызметкерлерге кәсіби жауапкершілікті арттыру, жұмыс сапасын жетілдіру және белгіленген жоспарлардың тиімді орындалуын қамтамасыз ету жөнінде нақты міндеттер жүктелді.
Талқылау қорытындысы бойынша күн тәртібіндегі барлық мәселелерге қатысты тиісті хаттамалық шешімдер қабылданып, жауапты мамандарға нақты тапсырмалар берілді. Сонымен қатар, алдағы уақытта атқарылатын жұмыстардың жоспары нақтыланып, олардың орындалу мерзімдері мен жауапты тұлғалары бекітілді.
Мұндай аппараттық жиындар өңірдегі жұмылдыру дайындығы мен азаматтық қорғаныс жүйесінің тиімділігін арттыруға, төтенше жағдайлардың алдын алу шараларын күшейтуге және басқарма қызметінің үйлесімді жұмысын қамтамасыз етуге бағытталған маңызды ұйымдастырушылық алаң болып табылады.
