Қазақстан Республикасының Тәуелсіздігінің 30 жылдығына орай аудан әкімі Ерболат Садырқұлов және ардагерлер кеңесі, бөлім басшылары, сондай-ақ аудан тұрғындары мен жастары көрнекті қоғам және мемлекет қайраткері, қазақ халқының жанашыры, Түркістан Республикасы Халық комиссарлары Кеңесінің төрағасы, Түрксіб құрылысының негізін салушылардың бірі Тұрар Рысқұловтың ескерткішіне сгүл шоқтарын қойып, аудандық мәдениет үйінде Жамбыл облысы әкімінің орынбасары Дәулет Кәрібектің және аудан әкімі Ерболат Садырқұловтың қатысуымен “Тәуелсіздік — тірегім!” атты салтанатты жиынға ұласты , — деп хабарлайды «ZhambylNews» Ақпараттық Агенттігі.
Салтанатты жиында еңбегімен еленіп, ауданның экономикалық-әлеуметтік, рухани өркендеуіне үлес қосып жүрген бірқатар азаматтарға облыс әкімінің орынбасары Дәулет Жамаубайұлы, аудан басшысы Ерболат Салқынбекұлы, аудандық мәслихат хатшысы Ербол Абақұлы салтанатты түрде табыс етті.
Ынтымағы мен бірлігі жарасқан көп ұлтты халқымыздың мерейі әрқашан биіктей берсін! Тәуелсіздігіміз мәңгі болғай!
