Сондай-ақ Мемлекет басшысы экономиканың түрлі салаларына цифрландыру мен жасанды интеллект құралдарын жеделдетіп енгізу міндетін жүктеді. Бұл қадамның барлығы жинақтала келіп, Қазақстанның жаңа Ұлттық цифрлық даму стратегиясына біріктіріледі.
Жалпы цифрландыру с аласында Қазақст анның кейбір елдермен салыстырғанда оқ бойы озық екені де анық. Бұл өз кезегінде мемлекеттің технологиялық тұрғыда тез дамуына оң әсер ететіні сөзсіз.
Осыған орай, өңірлік коммуникациялар алаңында өткен баспасөз конференциясында Ш.Мұртаза атындағы Тараз халықаралық университетінің ректоры Махметғали Сарыбеков Президент тапсырмасына сәйкес, жоғарғы оқу орнында атқарылып жатқан ауқымды жұмыстарды баяндады. Әуелі аталған университет ректоры Жолдаудағы жеті тармаққа кезең-кезеңімен тоқталып, Президенттің шешімін түбегейлі қолдайтындығын жеткізді.
Ғалым өз сөзінде, бүгінде университеттің білім беру жүйесінде бірқатар өзгерістер жүргізіліп, «Жасанды интелект» пәні сабақ кестесіне енгізілгенін айтты. Сонымен бірге университеттің басты міндеті – жасанды интеллектіні қарқынды дамытып, оны пайдалана алатын, жүзеге асыратын білікті әрі сауатты мамандарды дайындау екенін баса айтты.
– Жасанды интеллектіні дамытқаннан адамзат жұмыссыз қалады деген жансақ пікірден аулақ болғанымыз жөн. Неге? Өйткені жасанды интеллектіні де адам басқарып отыр және ойлап тапқан да адам. Сол себепті барынша цифрландыру дамыған заманда, ЖИ-ді бір кісідей меңгергеніміз артық болмайды. Қазақстан жаңа технологияларды дамыту мен енгізуде кешенді әрі жүйелі шешімдер қабылдаған әлемдегі алғашқы елдердің бірі. Бұл ретте еліміз болашақта технологиялық тұрғыдан дамыған мемлекет атануды көздейді. Осылайша, биылғы Жолдауда цифрлық трансформация мен жасанды интеллектіні енгізу біздің ел үшін жаңа ұлттық идея ретінде айқындалды, – дейді Махметғали Нұрғалиұлы.
Брифинг соңында бұқаралық ақпарат құралдары спикерге көкейлерінде жүрген сұрақтарын қойып, жан-жақты жауап алды.
