Америкалық ғалымдар құрамында аспарагин амин қышқылы аз өнімдер кеудедегі ісік ауруының қаупін басады деген қорытынды шығарды. Мамандардың материалы Nature журналында жарияланды, деп хабарлайды Вaq.kz ақпарат агенттігі lenta.ru басылымына сілтеме жасап.
Алғашқы кездегі рактың клеткаларындағы аспарагин синтетазасы ферментінің белсенділігі ісік клеткаларын басқа тіндерге және органдарға таратып, метастаздың түзілуіне әкеп соғатын болып шықты. Сондықтан ферменттің жұмысын дәрілермен басып, диета ұстаса, ісіктің басқа жерлерден шығуының алдын алады.
Сол себепті аспарагиннің көп мөлшері кездесетін сүт өнімдерін, сиыр, құс етін, жұмыртқаны, балықты, теңіз өнімдерін, картоп, жаңғақ, сояны аз мөлшерде тұтыну керек. Аталған амин қышқылы жемістер мен көкөністерде аз мөлшерде болады.
Дереккөз: Baq.kz
