Бұл жайында ӨКҚ алаңында өткен брифингте Қордай ауданының әкімі мәлімдеді, — деп хабарлайды «Zhambylnews» AA.
Мемлекет тарапынан ауылшаруашылығының дамуына жыл сайын қаржылай қомақты көмек көрсетілуде.
2017 жылы барлығы егін шаруашылығында 439,8 млн.теңге, мал шаруашылығы бойынша – 1095 миллион теңге субсидия төленген.
Келісілген меморандумға сәйкес 2017 жылы ауданда жоспарда 7 кооператив құру болса, бүгінгі күнде жеке қосалқы шаруашылықтардың бірігуімен 13 кооператив құрылған. Оның ішінде: Сүт өндіру бағыты бойынша 2, Ет бағыты бойынша 8, егін шаруашылығы бойынша құрылғаны 3 кооператив болып отыр.
Ауданда негізгі ауыл шаруашылығы өнімдерінің өндірісі артып, ет 19444,5 тонна, сүт өндіру 61439,9 тонна, 18994,2 мың дана жұмыртқа өндірсе, 8,3 тонна қозы еті шетелге экспортталған.