Алматыда кеше Domillion сауда ойын-сауық орталығында өрт болды.
Ол жерден 60 адам эвакуацияланды.
Бұл туралы қаланың Төтенше жағдайлар департаменті хабарлады. Алматы қаласындағы Domillion сауда ойын-сауық орталығында өрт тұтанғаны туралы хабар кеше сағат 14-34-тер кезінде түсті. Өрт сөндірушілер оқиға болған жерге 8 минуттан соң сағат 14-42-де жетті.
Сол ғимараттағы кабельдердің бірінде тұйықталудан өрт шығып, 0,2 шаршы метр аумақ жанған»,-деп хабарлады Алматы қалалық Төтенше жағдайлар департаментінің ресми өкілі Сандуғаш Баймұхамбетова.
Оқыс оқиғада өрт сөндірушілер 60 адамды қауіпсіз аймаққа көшірді. Айта кету керек, эвакуацияланғандардың 10-ы -балалар.
Дереккөз: КТК
