Қазақстандық боксшы Данияр Елеусінов кәсіби бокстағы алғашқы жеңісіне қол жеткізді, — деп хабарлайды «Zhambylnews» АА Sports.kz сайтына сілтеме жасап.
Данияр Елеусіновтің америкалық боксшы Ноа Киддқа қарсы жекпе-жегі Дэниел Джейкобс пен Мацей Сулецки арасындағы айқастың андеркартында Нью-Йорктегі Barclays Center аренасында өтті. Алты раундқа есептелген жекпе-жектің үшінші кезеңінде қазақстандық боксшы техникалық нокаутпен жеңіске жетті. Сөйтіп, Данияр өзінің кәсіби бокстағы бірінші жеңісін тойлады.
Еске сала кетейік, бокстан Олимпиада чемпионы Данияр Елеусінов АҚШ-та кәсіби рингте өтетін өзінің дебюттік кездесуі алдында сұхбат беріп, жоспарларымен бөліскен болатын.
