22-24 мамырға арналған ауа-райы болжамы. Қазгидромет алдағы үш күнге ауа райы болжамын ұсынды, — деп хабарлайды «Zhambylnews» АА.
Ауа-райына жоғары атмосфералық қысым өрісі ықпал ететін болады, сондықтан еліміздің басым бөлігінде ауа-райы жауын-шашынсыз болады.
Бірақ солтүстік облыстардың кейбір аудандарында аздаған жаңбыр жаууы ықтимал.
Республиканың шығысында атмосфералық фронттардың өтуіне байланысты шамалы жаңбыр жауады.
«Қазақстанның шығысында ауа температурасы климаттық нормадан 2-4 градус төмен, ал батысында нормадан 4-6 градус жоғары күйінде сақталады», — деп хабарлайды синоптиктер.
Атырау облысында 21-22 мамырда 37 градус ыстық болатындықтан дабылды ескерту жарияланды.
