Дәрігер Комаровский менингиттен үрейленген қазақстандық аналарға жауап берді
Белгілі кеңестік және украиналық педиатр Евгений Комаровский менингит қандай жағдайда таралатынын сұраған қазақстандық әйелдерге видео жолдады. Дәрігер ата-аналар балаларын қорғау үшін не істеу керек екенін айтты. Бұл туралы «Zhambylnews» AA хабарлайды Sputnik Қазақстанға сілтеме жасап.
«Менингококк өмірге өте қауіпті, инфекция жұқтырған адам дәрігерге дереу қаралғанның өзінде жиі қаза тауып жатады. Профилактиканың басты әдісі — вакциналау, алайда менингиттің барлық түріне бірдей вакцина жоқ», — деп жазылған видеоға.
Дәрігер Комаровскийдің айтуынша, менингиттің алдын алу үшін бөлмедегі ауаны жиі ауыстырып, міндетті түрде серуендеуге шығу керек, адамдармен қарым-қатынасты шектеп, қолды жуып, мұрын мен тамақты шайып отыру маңызды.
Сонымен қатар, маман жұқпалы аурудың белгілерін тізіп шыққан екен.
Қазақстанда жыл басынан бері менингиттен 13 адам көз жұмды, оның алтауы – 14 жасқа толмаған бала.
