Еліміздегі 3218 ауылдық елді мекеннің шекарасы картада бекітілмеген
Соның салдарынан жергілікті әкімдер заңсыз әрекеттерге барып, ауыл айналасындағы жайылымдарды жекенің қолына сатып жіберген. Бұл туралы «Zhambylnews» AA 24.kz сайтына сілтеме жасап.
Бұл қолында малы бар шаруаларды жерсіз қалдырды. Енді бүгінде Қазақстанда 24 миллион гектар жайылым жер жетіспейді. Ауыл шаруашылығы министрлігі бұл мәселені елді мекендер маңындағы жайылымдық жерлерді мемлекет меншігіне қайтару арқылы шешуді көздеп отыр. Бұл туралы бүгін министрдің орынбасары Ерлан Нысанбаев сенаторлармен кездесуде мәлімдеді.
Ерлан Нысанбаев, ҚР Ауыл шаруашылығы министрінің орынбасары:
— Бүгін біз сол 3200 елді мекеннің шекарасын белгілей алмай, сол үшін осы жұмысты жүргізіп жатырмыз. 2021 жылға біз толық осы елді мекендердің маңайындағы жерлерді анықтап, сол жерден 24 млн-ды шығару керекпіз.
Қазір қолданыста 75 миллион гектар жайылымдық жер бар.
«Алайда ауыл шаруашылығы мақсатындағы телімдерді тиімді игеру мәселесі ақсап тұр», – дейді сала мамандары. Мысалы, өткен жылы 2 миллион 100 мың гектар жер мемлекет меншігіне қайтарылған. «Қазір Атырау, Батыс Қазақстан, Алматы облыстарында жалпы алғанда 1 миллион 700 мың гектар жер пайдаланылмай жатыр», – дейді ауылшаруашылық мамандары.
