«7-20-25» ипотекалық бағдарламасы: Жамбылдықтар 15 миллион теңгеге тұрғын үй сатып ала алады

Тұрғын үй сатып алу үшін Астана, Алматы, Ақтау және Атырау қалалары үшін бағаның ең жоғары шегі 25 миллион теңге, ал қалған өңірлер үшін — 15 млн теңге деп белгіленді. Бұл туралы ӨКҚ алаңында өткен брифингте ҚР Ұлттық Банкі Жамбыл филиалының директоры Евгений Шарыгин айтты, — деп хабарлайды «Zhambylnews» AA.

Кредиттің сомасы 12 млн. теңге болғанда ипотека алушы айына 85 мың теңге төлейтін болады. Баспана құны төмен өңірлерде кредиттің сомасы 7 млн. теңге болуы мүмкін. Бұл ретте сатып алушы айына 50 мың теңге төлейтін болады.

Жамбыл облысы бойынша 19.07.2018 жылғы жағдайға банк филиалдарымен 31,03 млн. теңгеге 3 өтініш қабылданып, 18,3 млн.теңгеге 2 өтініш мақұлданды.

Қазіргі таңда, «Баспана» арнайы компаниясы Центркредит Банкімен, Халық банкпен, Еуразия Банкпен, Цесна Банкпен, АТФ Банкпен, РБК Банкімен және Тұрғын үй құрылысы жинақ банкімен келісімге қол қойған.