1 қаңтардан бастап қазақстандық жүргізушілер сақтандыру келісімшарттарын онлайн режимде жасайтын болады, — деп хабарлайды «ZhambylNews» AA 365info.kz сайтына сілтеме жасап.
«2019 жылдың 1 қаңтарынан бастап сақтандыру ұйымдарының клиенттері сақтандыру келісімшарттарын интернет арқылы электронды үлгіде жасай алады. Мұндай мүмкіндік міндетті және ерікті сақтандырудың барлық түрлеріне беріледі», — делінеді Ұлттық банктің хабарламасында.
Онлайн-сақтандыру енгізумен бірге сақтандырудың қағаз полистері қолданыстан алынады.
Ал полицейлер көлік жүргізушісінің сақтандырылғанын бірыңғай базадан білетін болады.
