Елбасы Нұрсұлтан Назарбаев кезекті Қазақстан халқына арнаған Жолдауында «Бизнестің жол картасы-2020» бағдарламасын 5 жылға созуға тапсырды. Бұл туралы бүгін Ақордада Қазақстанға кезекті Жолдауын жариялаған Елбасы Нұрсұлтан Назарбаев айтты, — деп хабарлайды «ZhambylNews» Ақпараттық Агенттігі Baq.kz-ке сілтеме жасап.
«2010 жылы «Бизнестің жол картасы-2020» мемлекеттік бағдарламасын жүзеге асыраға бастағанбыз. Өңірлерге сапарым барысында аталған бағдарламаның тиімді екеніне көзім жетті. Оны 2025 жылға дейін созу керек.
Бағдараламаны жүзеге асыруға қосымша жылына 30 млрд теңге бөлу қажет. Бұл 3 жыл ішінде қосымша 22 мың жұмыс орнын ашуға мүмкіндік береді. Бюджетке 224 теңге көлеміндегі салық түрінде ақша түсіруге, халық тұтынатын өнімдерді өндіруге 3 трлн теңге алуға жол ашады», — деді Президент Ақордада өтіп жатқан жиында.
