Көкпардан Жамбыл ауданы әкімінің кубогы сарапқа салынды

0
47

Ел Тәуелсіздігінің 30 жылдық мерейтойы қарсаңында Жамбыл ауданы әкімдігі ішкі саясат бөлімі «Жастар ресурстық орталығының» ұйымдастыруымен аудан әкімінің кубогы үшін 2000-2006 жылы туған жастар арасында «Ұлы дала тарландары» атты көкпар турнирі өтті, — деп жазады “ZhambylNews” АА.

Ұлттық спортты дамыту, жастарды спортқа баулу және салауатты өмір салтын ұстануға шақыру және жастар арасында достық қарым-қатынасты нығайту мақсатында ұйымдастырылған турнирге өтінім берген командалар арасындағы кездесу жеребе тарту арқылы анықталып, олимпиадалық жүйе бойынша өткізілді.

Көкпарда Өрнек, Бірлесу-Еңбек, Аса, Шоқай, Тастөбе, Жамбыл, Еңбек, Бектөбе ауылдық округтерінен жасақталған 8 команда өзара бақ сынасты.

Турнир қорытындысы бойынша үшінші орынды Бірлесу-Еңбек ауылының шабандоздары жеңіп алса, екінші орынды Шоқай ауылының жастары олжалады. Ал Өрнек ауылының көкпаршылары турнир жеңімпазы атанды.

Турнир жүлдегерлеріне бағалы сыйлықтар мен дипломдар табыс етілді.

Жауап калдыру

Please enter your comment!
Please enter your name here