Т.Рысқұлов ауданында оқушыларға арналған күндізгі тынығу лагері ашылды

0
45

Т.Рысқұлов ауданында 2020-2021 оқу жылын сәтті аяқтаған 5084 оқушы жазғы демалысқа шықты. Осы ретте, 1-маусым балаларды қорғау күніне орай Ахмет Байтұрсынов атындағы орта мектебінде күндізгі тынығу лагерінің ашылу салтанаты өтті, — деп жазады “ZhambylNews” ақпарат агенттігі.

Жазғы демалыста оқушылардың уақыты босқа өтпеуі үшін балалардың демалысын ұйымдастыру қашанда маңызды мəселенің бірі болып саналады. Жыл сайын демалыс уақытындағы балалар мен жасөспірімдердің толық демалуларына, көркем шығармашылық, спорт және басқа да танымдық қызмет түрлеріндегі білім мен іскерліктерін арттыруға жағдай жасау мақсатында оқушылар үшін мектеп жанындағы жазғы сауықтыру лагерлері ашылады.

Лагердің ашылуында сөз алған аудандық білім бөлімінің басшысы Майра Базарова балаларға ізгі тілегін білдіріп, сәттілік тіледі.

Салтанатты жиын мерекелік концерттік бағдарлама қойылып, асфальт бетіне сурет салу, эстафеталық қызықты ойындарға ұласты. Мереке соңында өнерлі балалар марапатталды.

Тағы бір айта кететіні, мерекеге орай мектептің жомарт түлегі, кәсіпкер Шинасилов Айдостың демеушілігімен батут ойын алаңы құрылып, жас бүлдіршіндерге ерекше көңіл-күй сыйлады.

Жауап калдыру

Please enter your comment!
Please enter your name here