Жамбыл ауданында «Ішімдіксіз ауыл» жобасы жандануда

0
45

Арақтан келетін зиянның орасан екенін баршамыз білеміз. Текті қазақтың тегі бүлінбесін десек, бұл мәселеге бейжай қарамауымыз керек. Осылай деп дабыл қаққан «Аса адалдық алаңы» жобалық кеңсесі той-думанды арақсыз өткізуге, дүкендерде шарап сатпауға шақырып, тұрғындар мен кәсіпкерлерге үндеу тастады, — деп жазады “ZhambylNews” АА.

Аудан әкімдігі ішкі саясат бөлі­мі­нің басшысы Мадияр Сәмбетов, «Аса адалдық алаңы» жобалық кеңсесінің жетекшісі Жандар Тоқсаба, аудан әкімдігі кәсіпкерлік және өнеркәсіп бөлімі­нің бас маманы Талғат Шынтасов және мемлекеттік кірістер басқармасының бас ма­маны Айдын Минбаев бар топ «Ішімдіксіз ауыл» жо­ба­сы аясында Қарасу, Ақбастау, Көлқайнар ауылдық округтерінде үгіт-насихат жұмыстарын жүргізді.

Қазірде қылмыс­тардың көпшілігі азаматтардың спирттік ішімдіктерді ішкені салдарынан туындап отыр. Осы мәселелер тұрғындармен кездесу барысында айтылып, жан-жақты түсіндірілді.

– Келешекте ауданымыз бойын­ша ішімдік ішу тоқта­тылса, қылмыс саны азаятынына кәміл сенемін. Ертеңгі ұрпақтың бүгін бесігін түземесек, ертең ел болудан қаламыз, – деді келелі жиында сөз алған Жандар Жамбылұлы.

Сондай-ақ, бүгін­гінің жасы мен жасамысы ащы суға әуестенбей, дұрыс бағытта жүруі керектігін атап өтті.

Жауап калдыру

Please enter your comment!
Please enter your name here